سر حلاوة بنات المنصورة ؟؟؟!!!



كل بنت جميلة بتتسأل انتي منين

ويا سلام لو قالت انها من المنصورة

هتنفجر في وجهها قنبلة من اللإعجاب والمديح

يا ترى لية...... لية مشهور ان بنات المنصورة حلوين

طب في حد من الي قرء الموضوع نزل المنصورة ابل كدا

ولو راح هناك هيشوف اية ؟

بصراحة لو حد نزل هيشوف ان تقريبا كل البنات الي بيشوفهم في

الشارع او الأماكن العامة حلوين اوي وشيك اوي دا بجد

لو حد منزلش المنصورة

ويسلام لو راح الجامعة هيشوف اشكال والوان

من الجمال طبعا

انا مش هطول عليكوا

المهم تعرفوا اية السر الي مخليهم حلوين

ودا من خلال مقالة قرأتها في الجريدة الصادرة عن جامعة المنصورة

كانت بعنوان حلوة بنات المنصورة

والي من خلالها اتكلم المؤريخ الكبير استاذ طلعت اسماعيل

وارجع جمال بنات المنصورة للأربع اسباب :

الأول : هوة وجود المماليك والأتراك واشتهارهم بجمالهم

ومعروف انهم تواجدوا في مصر لفترة طويلة وخصوصا ان في المنصورة

كانت بنات العائلات بتتباهى بتزويج بناتهم من المماليك.

الثاني : ان هناك عائلات في المنصورة بتنتمي لأصول تركية

ودا ناتج عن ثرائها وبالتالي كانت بتناسب الأتراك

الي هما في الوقت دا كانوا السلطة الحاكمة والأثريا

ء كانوا شرائح كبار الموظفين والعلماء والتجار.

الثالث : الحملات الصليبية من الفرنسين الي انصهروا في المجتمع المنصوري

بعد فشل حملة لويس وخصوصا ان منهم كتير عاشوا فيها واعلنوا اسلامهم .

الرابع : ان معظم اغنياء المنصورة سواء تجار او اصحاب نفوذ

كانوا بيفضلوا الزواج من الأجنبيات يونانيات او ايطاليات

لدرجة ان الجالية اليوينانية كانت اعدادها كبيرة بعد اللإحتلال البرطاني

وايضا زواجهم من التركيات الشركسيات الجميلات .

ودي من الأسباب التاريخية لجمال بنات المنصورة
منقول للامانة
انتوا ايه رأيكوا انا عن نفسى مش شايفهم الاجمل خالص اه فيهم نسبة جمالها بيكون عالى اوى بس اجمالا مش شايفهم الاجمل

هما بيقولوا بجد ان أحسن ناس المنصورة
حتى لما الواحد بيروح فى اى حتة حتى مصر
بس انا رايى من رأيك انا مش شايفة اللى هما احسن بنات ولا حاجة
عادى يعنى _وربنا يسعد سعيد بسعيدة
وفى انتظار المزيد من الموضوعات
معلشى طولت عليكم

لا ياجماعه انا مش معاكم خالص فى الحكايه دى ( فى ان بنات المنصوره عاديين زى اى حد ) هما فعلا من احسن البنات
ده لان البنات بره بنشوفهم بمكياجهم مش بطبيعتهم انما عندنا هنا البنات قرويين ومش يتوع مكياج وكلام من ده فبكده يبقوا هما من احسن البنات
موضوع رائع يابوب

انا بضم رايىء لميرو وجاره القمر انهم متواضعين

ياجماعة اختلاف الراى لا يفسد للود قضية ... عادى بقى وكل واحد ورأيه

انا معاك ياميرو فى ان اختلاف الرأى لا يفسد للود قضيه
بس حابب اقول ان بنات المنصوره من احسن البنات فى العالم
عاملين زى بنات فرنسا ( رقه وجمال وحلاوه وبقلاوه وعسل ) ولغتهم تحس انها فيها شىء من الموسيقى والهدوء وبتعمللك حاله من الاستجماتيزم
اصلا بنات المنصوره فيهم دم الفرنسويين

لا ياعم طارق ... انت شكلك كدة ملفيتش كتير فى مصر بس على العموم انا اؤكد لك المعلومة ... ده اشاعة والناس صدقتها واللى كان كان ... طلعنا الكدبة وصدقناها ... ولكن ممكن يكون فيه بس انا مااعتقدش