موضوع جميل اوى ياقمر الزمان واحب اشترك معاكم
انا عن نفسى حبيت اكتر من مرة
وهحاول احكيهم يمكن الفضفضة تخفف حمل الجبال اللى فوق كتفى
بس نبتدى منين الحكاية
هقولك
انا هكتب الحكاية بتاعتى على هيئة سيناريو وياريت الكل يتابع معايا
الحكاية بدات بعملية رهان بينى وبين واحد صاحبى
رهان على اللى يخلى انسانة ملهاش اى ذنب تحبه
الابطال هم حسن و محمود ومصطفى _ اللى هو انا _ وشيماء
طبعا مفيش ولااسم فيهم صحيح غير اسمى بس
اليوم الاول
حسن قاللى ايه رايك يامصطفى فى شيماء
جميلة والله ياحسن وبنت اى واحد يتمنى انها تكون شريكة حياته
خلاص كلمها
أكلمها ازاى ماانت عارف انى عمر ماكلمت بنات قبل كدة
خلاص ياسيدى اكتب لها كم قصيدة حلوة من اللى انت بتكتبهم ماانت مش فالح غير فى كدة
ماشى ياحسن هحاول بس أنا حاسس انها ميالة لصاحبى محمود
ياعم حاول انت مش هتخسر حاجة
ايوة بس اديلها القصيدة ازاى ابعتها لها فى جواب
ايه ياعم انت هتعمل زى هانى شاكر فى فيلم هذا احبه هذا اريده انت تديلها القصيدة فى ايدها
مقدرش
متقدرش ليه؟؟؟؟؟ حاول وصدقنى هتقدر
اوكى هحاول
وفعلا كتبت لها قصيدة من أجمل ماكتبت والقصيدة انا وضعتها فى منتدى الشعر بعنوان _عند ابواب عينيكى_
واديتها لها وقلت لها اقرأى القصيدة دى
قالت بمناسبة ايه
قلت لها أنا هدخل مسابقة للشعر فى الجامعة وعايز اعرف رأيك فى اللى بكتبه
قالت ماشى هقراها واقولك رأيى بمنتهى الصراحة
قالت انها جميلة ورائعة وكلام من اللى يخلى الواحد وشه يحمر
كنت كل يوم بكتب لها قصيدة مختلفة واديها لها على الاساس ده
وفى يوم كنت قاعد أنا ومحمود مع بعض
ايه رأيك يامصطفى فى شيماء
اشمعنى
انا حاسس انها معجبة بى
انت كلمتها
لا لسه بس حاسس من نظراتها ومن رقة كلامها معايا
ايوة يامحمود بس أنا كمان معجب بيها
معجب بيها ازاى انت كلمتها؟؟؟
لا ماكلمتهاش صراحة بس كل يوم بكتب قصيدة وبديها لها
قصائد ايه يابنى وكلام فارغ ايه انت تصدق ان البنات بتحب الهبل ده؟
مش فاهم قصدك
قصدى ان احنا يادرش فى زمن انتهى فيه ايام قيس وعنتر
بس أنا سبقتك يامحمود وانا معجب بها من زمان حتى ممكن تسأل حسن
وأنا مالى بيك انت وحسن ياعم دى وحدة عاجبانى وهكلمها
بس انت اخلاقك مش كويسة يامحمود وانت مش هتكلمها عن حب
ياعم حب ايه وكلام فارغ ايه انا همشى لى معاها يومين وبعد كده يافكيك
بس انا بحبها يامحمود
خلاص ايه رأيك نتراهن عليها
انت عبيط ولاايه اتراهن معاك على الانسانة اللى بحبها
انا مش قصدى رهان بالمعنى المفهوم أنا أقصد ان اول واحد فينا شيماء تقول له بحبك يبقى التانى ياخد جنب من غير كلام
ولو ان رافض المبدأ ده من اساسه بس ماشى هطاوعك النوبة دى
وللحديث بقية
انتظرونى
21-01-2008, 01:20
العرض العادي
