الناس عملت ايه في ابليس

أمير عرش الدموع · 15-02-2008, 11:16

الناس عملت ايه فى ابليس

على باب سفارة كندا
..لمحت ابليس و ف ايده استماره
..بقول له على فين
..قاللي بص
..يا هجره يا اعاره
..يا عم زهقت كفرت
..الاقيش معاك سيجاره
..انا انتهيت خلاص
..لا نافع وسواس ولا خناس
..ولا ليا عيش وسط الناس
دي عالم مجرمين
..عندكوا فائض ف الفساد
..في كل البلاد
..ومش محتاجين شياطين
..مليش عيش ف البلد دي
....بقالي سنين عاطل
...و انتوا بتعرفوا
..تقلبوا الحق باطل
..و تسلكوا القاتل
..و تمشوا ف جنازة المقتول
..ومفيش مشاكل
..يا عم ده انا بقيت أوسوس بالمقلوب
...و أقول للحرامي كفايه بقى توب
..انت هاتعمل كل الذنوب لوحدك
...و أنا ابليس
أشتغل واعظ
..ولا كمساري ف اتوبيس
..يا عم ده انا زمان
..كنت استنى حد ينسى
يسمي
..وهو بياكل لقمته
..دلوقتي كل اكلكم ملوث
..و بصراحه الواحد خايف على صحته
...ده مفيش ضمير اساسا
..عشان اموته
..و كل واحد بمزاجه
..خربانه ذمته
...يا عم ده كل حاجه اتسرقت
..وكده الاجيال الجديده
..م الحراميه اتظلمت
..يا راجل ده من كتر ما لطشت معايا
..خرجت ف مظاهره
..مع الناس اللي بتقول كفايه
...و برضه مفيش فايده

الصقر الحر · 16-02-2008, 12:10

شكرا ليك يا ابو السيد على الموضوع الغريب ده ....
افكارك غريبه جدا مش عارف ...
تحياتي /
الصقر الحر ...
العيناوي ....

الجنرال · 16-02-2008, 01:09

هههههههههههههههههههههههههههههههههههههههههههههههههه هههههههه

أمير عرش الدموع · 17-02-2008, 06:39

شكرا يا الصقر العيناوي العسل وشكرا يا جنرال واتمنى مواضيعي تعجبكم

الصقر الحر · 17-02-2008, 06:43

اكيد يا برنس ...
ومنور يا حبي ..
الصقر الحر ...
العيناوي ...

أمير عرش الدموع · 07-08-2008, 10:32

تسلم يا صقر وشكرا لتاني مره على المرور يا مان

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)