إزيكم يا شباب .. وبرضه يا بنات

قمر الزمان · 27-06-2008, 04:37

إزيكم يا شباب .. وبرضه يا بنات

طبعا فى بنات كتير ليها حركات مفتكسة بتعملها علشان توقع الولاد فى المصيدة ويا عينى دلوقتى الشباب

هما اللى بيتخدعوا مش البنات للاسف اليومين دول

ودى بعض الحاجات اللى بتعملها البنات علشان تضحك بيها عليكم ( خلى بالكم من نفسكم )

البنات بتضحك على الولاد بالعشر حاجات دى :-

أولا: الولد بيحب البنت الرقيقة
رفعوا صوتكم يا بنات .
و أول ما تشوفى حاجه وحشة .. سورقى (يغمى عليكى) من كتر الرقة
عيطى كتير . العياط دليل على الاحساس المرهف . أوائى له .. نكدى على أهله .

ثانيا الولد بيحب البنت الرومانسية
سبلى له .
اسرحى كتير كلميه عن القمر و حاجات من دى .. قوليله شايف القمر يا عتريس
لازم تكونى هيمانه و انتى بتتكلمى . و يكون صوتك واطى .. وشوشة .

ثالثا : الولد بيحب البنت المؤدبه
قولى له انه اول واحد فى حياتك حتى لو كنتى متجوزة قبل كده و حامل فى توأم..
و لو سأل على انتفاخ بطنك قولى له كيس دهنى
و لو عارف و متأكد انه كان لك علاقات كثيرة مثله
دى كلها اشاعات ده هما اللى كانوا معجبين بيا لكن انا ولا سألت فيهم ولا عبرتهم كلهم

رابعا : الولد بيحب البنت الاستايل

كل ما تشوفى حاجه جديدة قلديها . يقولوا الموضه الشعر الاصفر .. اضربيه اصفر .. الموضه القصير .. قصريه ..
مش مهم شكلك ايه .. ماتصدقيش اللى تقولك ما تخديش من الموضه الا اللى يناسبك ..
دى بتغير منك و مش عايزاكى تبقى على الموضه .
ملحوظه : لو مش عارفه ايه الموضه اختارى لك مغنية معينة او مذيعة و قلديها .. خليكى نسخة منها .

خامسا :الولد بيحب البنت الدلوعة

ادلعى ياختى انت و هى . ما تبقيش دكر .

سادسا : الولد بيحب البنت الجذابه اللى بتكون محور اهتمام الآخرين

فهميه ان في آخرين كتير معجبين بيكى
و قولى له : ارجوك اوعى تغير انا حواليا كتير .
ولا بيهمنى أبدا منهم ايه يعنى اكون حلوة فى عينهم .
ألفى قصص وهمية عن الأولاد الهيمانين فيكى و اللى انتى مدوخاهم بسحرك و جمالك .

سابعا : الولد بيحب البنت اللى بتحسسه برجولته و تحسسه بنفسه

ايه ده ! .. ايه العضلات دى كلها .. دى احلى عضلات شفتها فى حياتى .
. يا سلام !! ايه الشياكة دى كلها . انت أشيك ولد شفته فى حياتى .
.(مش مهم هو لابس ايه . انبهرى و خلاص ) .
يا سلام !! انت تقاطيع وشك حلوه بشكل ( حتى لو كانت ملخبطه ) و طول مانتى قاعده اشكرى فيه خليه كده قاعد نافش ريشه . و فرحان بنفسه . ولا كأنه عنتر زمانه

ثامنا : اتمحكى فيه ( الزقي له )خليكى دايما معاه
كل شويه كلميه فى التليفون بأى حجة . قابليه فى كل حته يروحها . إعملى عليه كماشة . بحيث مايعرفش يفلفص منك و لا يشوفش غيرك ادامه . روحى له الشغل .. إهريه رنات وماسجات على الموبايل عمال على بطال .

تاسعا: عددى مواهبك
اكلك لازم مظبوط
قوليله انا ملحى فى الاكل لا كتير ولا قليل وبعمل شاى سكر زياده . وبلون البيض المسلوق .

عاشرا: رغم حبك الشديد للحريه والانطلاق

قوليله انت مالك وقتى وتفكيرى مش عارفه اعمل حاجه الا انى افكر فيك
مليت على ايامى شغلت لى الزمن

النتيجة :

لو الولد وقع فى دباديبك و قال عاوز يرتبط بيكى :
اوعى تقولى ايوه ! لااااا ..
اتقلى شوية . اعملى نفسك يتفكرى .. سهريه .. لوعيه .. بهدليه .. لكن ماتتقليش العيار ليطير منك .

لو الولد ما سألش فيك و لا عبرك و لا أخد باله منك أصلا ::

يبقى بنت تانيه سبقتك ليه . .. نفضيله و كررى الخطوات من 1 - 10مع ولد تانى بعد جمع معلومات
وعمل تحريات عنه و التأكد من انه فاضى . غير مرتبط يعنى .. و ربنا يوفقك

تحياتى
قمر الزمان

الجنرال · 19-07-2008, 12:50

ههههههههههههههههههه
والله موضوع لذيذ قمر

الزهراء · 19-07-2008, 01:50

بصراحة موضوعك فعلا لذيذ بس فيه عجبتنى اوى
رابعا : الولد بيحب البنت الاستايل

كل ما تشوفى حاجه جديدة قلديها . يقولوا الموضه الشعر الاصفر .. اضربيه اصفر .. الموضه القصير .. قصريه ..
مش مهم شكلك ايه .. ماتصدقيش اللى تقولك ما تخديش من الموضه الا اللى يناسبك ..
دى بتغير منك و مش عايزاكى تبقى على الموضه .
ملحوظه : لو مش عارفه ايه الموضه اختارى لك مغنية معينة او مذيعة و قلديها .. خليكى نسخة منها .

عمار شعيب · 19-07-2008, 09:09

؟

goldengirl · 28-07-2008, 05:12

؟؟؟؟؟؟؟؟؟!!!!!!!!!!!!!!!!!!!!!!!!!!!
لا تعليق

قمر الزمان · 28-07-2008, 09:12

شكرا على المرورالجنرال والزهراء وعمار الى مفهمتش من ردة حاجة وجولدن الى منور الموضوع

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)