السلام عليكم ورحمته وبركاته

ازيكم ياشباب عاملين ايه وازيكم يابنات

وزى الاجازة معاكوا واحوالكم ايه بعد النتيجة

المهم عاوزة رايكم فى حاجة؟
بس عيشوا معايا فى الحوار ده



فى يوم طقت فى دماغ حنفى ياخد المودام بتاعته ويخرج

حنفى / ايه رائيك يابت يافتكات نخرج نتمشى شوية بدل قاعدة البيت
فتكات/ ياسلام على افكارك ياحبيبى يلا بينااااا

خدها وراحو قعدو تحت احلى شجرة توت عند الترعة بتاعت بلدهم
وجبلها كوزين درة وعود برسيم (بدل الوردة ) قاعدة رومانسية اخر حاجة ...

فتكاات / عارف ياحبيبى انا نفسى اخلف ولد يكون شكلك واسميه دعبس على اسم ابوك
حنفى / لالالالا انا عايز بنت شبهك ياروحى

فتكاات / ربنا يخليك ليا يارب

حنفى / ويخليكى ليا يااحلى حاجة فى حيااااتى


فتكات / انا مش متخيلة حياتى من غيرك ياااا عتريس ...
حنفى / عتريس ....... عتريس مين ياست هانم





تعملى ايه لو غلطى فى اسم حبيبك او العكس حبيبتك غلطت فى اسمك





هتقولوا عااااااااااااااادى وايه يعنى وده مش يدل على انها مش بتحبنى ولا اييييييييييييييييييييييييييييييييييييييييييييييييي يييه

وحشتونى موت كانت سنتين رخمين اوى والحمدالله خلصنا منهم
موضوعك جميل هى ممكن تكون غلطت فى الاسم مفهاش حاجة غلطة لسان

ازيك يارقة وازى صحتك

انا عن نفسى لو غلط فى اسمى انتى عارفة ايه اللى هايحصل احتمال كبير ميطلعشى عليه نهار




وازيك ياستاذ شريف فينك كده نور المنتدى بطلتك الجميلة ومتشوقين لمواضيعك

وفعلا عتريس رومانسى جدا عقبال يارب ماتتجوز فتكات وتخلفوا صميدة ومخيمر وحنفى

شكرا لمروركم

ههههههههههه
والله توبيك جميل بس دى لو حصلت معايا
هرميها فى الترعه علشان تموت محروقه

ماشى ياجنرال وهتهون عليك ياراجل تموتها محروقة

هههههه
بصى يا مشمشه هو انا مجربتش موضوع الحب ده
بس بيتهيألى ان لو واحده بتحب واحد عمرها ما هتتلغبط فى اسمه بالعكس دا ممكن تنسى كل الاسماء الموجوده فى الدنيا الا اسمه
دا اعتقادى
الف شكر يا فتكات قصدى يا مشمشه هههههه
ومستنيين المزيد

ماشى ياجولدن بس تعرفى بقولك لو مكانه هتعملى ايه لو غلط فى اسمك ده على افتراض انك حبيتى اصلا

أنا واحد من الناس اللى كل اصحابي ومعارفي بيعانوا مني بسبب إني بنادي عليهم بغير أسمائهم

عندي حالة الزاكرة في النازل بنسى بطريقة غير عادية أحيانا لما يدخل عليه واحد شغال معايا في الشغل باخد فترة على ما أتذكر اسمه
شيء رهيب أنا بعاني منه

هاني مثلا أنادي عليه يا محمد
ومحمد أنادي عليه أحيانا يا طه

الناس معتقدة إني أقصد والله شيء غير مقصود

وياريت اللى عنده حل يدلنا

أما بخصوص وحده أنادي عليها بغير أسمها
دا لا أتذكره لأني والحمد لله
ما كان ليه علاقات

عادى ياستاذ عمار طب كويس انك بتنسى لان النسيان نعمة وبعدين عادى جدا

المهم لو زوجتك نادت عليك باسم تانى هتعمل فيها ايه ده قصد الموضوع